49. person med omgangssjuke
DNT melder at ein person laurdag vart frakta ut frå turisthytta Krækkja. Vedkommande hadde symptom på noroviruset som har herja på Hardangervidda gjennom påsken. Det er det 49. tilfellet så langt i påskeveka.
-
-
DNT har kontroll på noroviruset
Laurdag er det berre registrert eitt nytt tilfelle av viruset som har herja turisthyttene på Hardangervidda i påsken. Den 48. og siste personen med symptom på norovirus vart henta ut frå Rauhelleren langfredag. DNT meiner det verste no er over.
Foto: Marius Dalseg Sætre / DNT -
Mann frakta ned frå Mårbu
Ein mann vart i går kveld køyrt ned frå Mårbu turisthytte, truleg sjuk av norovirus. – Han var dårleg då han kom og måtte snu i døra. Berre eitt tilfelle sidan i går tyder på at situasjonen har roa seg, seier Henning Hoff Wikborg i DNT.
-
Tre nye sjukdomstilfelle
Turistforeininga melder om tre nye tilfelle av magevirus på hyttene på Hardangervidda sidan førre oppdatering i går. To personar blei køyrt ut frå Mårbu og Rauhelleren i går, medan ein person blir frakta ut frå Kjeldebu i dag.
-
Tre nye tilfelle av omgangssjuke
DNT har registrert tre nye tilfelle av omgangssjuke på sine hytter sidan i går ettermiddag. To tilfelle på hyttene Mårbu og Rauhelleren, og eitt på den sjølvbetente hytta Kjeldebu. – Vi har ikkje lenger mange som er sjuke på same stad, så vi håpar at det verste er over no. Vi heldt fram med vaskerutinane og håpar det heldt seg på eit moderat nivå ut påsken, seier dagleg leiar i DNT, Henning Hoff Wikborg.