Noreg gir 100 millionar kroner til palestinarane
Styresmaktene i dei palestinske områda manglar pengar til å betale for grunnleggande tenester, som helse og utdannings, seier utanriksminister Espen Barth Eide (Ap) i ei pressemelding.
– Difor overfører Noreg no 100 millionar kroner i budsjettstøtte, seier han.
Pengane skal brukast blant anna på medisinar og behandling ved palestinske sjukehus i Aust-Jerusalem.
Den økonomiske situasjonen til det palestinske sjølvstyret har blitt vanskelegare på grunn av krigen i Gaza, og har ført til auka uro på Vestbreidda.
– Vi må hindre at det palestinske sjølvstyret kollapsar. Det ville vore eit alvorleg tilbakesteg for palestinarane og ei mogeleg tostatsløysing, seier Eide.
