– Gjennom avtalen som Forsvarsmateriell har inngått med Nammo, kan Nammo tidoble produksjonskapasiteten sin av artilleriammunisjon. Dette er ein svært viktig og etterspurt ammunisjonstype i Ukraina. Samtidig skal vi byggje opp det norske forsvaret, og då må produksjonskapasiteten opp. Det legg vi no godt til rette for.

Det seier forsvarsminister Bjørn Arild Gram (Sp) til NRK. Han er i USA i samband med Nato-toppmøtet.

Tidlegare i dag blei det kjent at Noreg og våpenprodusenten Nammo har inngått ein ny kontrakt verdt over éin milliard kroner. Kontrakten skal gjelde for minst 15 år.

– Kva betyr det i praksis for Ukraina at produksjonen blir tidobla i Noreg?

– Det gjer det mogeleg for oss å halde fram å støtte Ukraina med artilleriammunisjon, i tillegg til at vi byggjer opp behaldningane for det norske forsvaret, seier Gram.

Avtalen blei kunngjort av Gram og Nammo-sjef Morten Brandtzæg i Washington, D.C.