Kevin Spacey dømt til å betale produksjonsselskap fleire hundre millionar

Skodespelar Kevin Spacey må betale «House of Cards» sitt produksjonsselskap nesten 31 millionar dollar for påståtte seksuelle overgrep bak kulissane i Netflix-serien.

Det skriv det amerikanske bransjebladet Variety.

Det tilsvarar om lag 302 millionar norske kroner.

63-åringen fekk sparken frå serien etter sjette sesong i 2017, på grunn av ei rekke skuldingar om seksuell trakassering.

Det vart starta etterforsking etter at det dukka opp påstandar om at Spacey forgreip seg på unge menn.

Den amerikanske Hollywood-stjerna er tiltalt for fire overgrep mot tre menn i perioden 2005 til 2013. Denne rettssaka startar i juni i neste år.