Juntaen er i gang med å lauslate fangar

Fleire bussar med innsette har forlate fengselet i Myanmar sin hovudstad Yangon.

Juntaen i Myanmar meldte i høve landet sin nasjonaldag at dei set fri 5.774 fangar.

Torsdag samla det seg ei stor gruppe menneske utanfor det berykta Insein-fengselet i Yangon, mange av dei slektningar av fangar som moglegvis blir lauslatne.

Blant dei lauslatne er Storbritannia sin tidlegare ambassadør Vicky Bowman og australske Sean Turnell, som var økonomisk rådgjevar for Aung San Suu Kyi si no avsette regjering. Dei har no forlate landet, opplyser diplomatiske kjelder til Reuters.

(NRK/NTB)