Greta Thunberg dømt til dagbøter etter klimaaksjon i Malmö i juni
Det skriv dei svenske avisene Expressen og Aftonbladet.
Greta Thunberg blei funnen skuldig i å ha nekta å følge politiets ordrar under ein aksjon i juni.
Thunberg møtte sjølv i retten, men nekta seg skyldig. Ho erkjente likevel at ho fekk ein ordre frå politiet om å flytte seg som ho ikkje høyrde på.
– Min framferd var forsvarleg, sa Thunberg i retten måndag og viste til at ho handla i nødverje på grunn av klimakrisen.
– Klimakrisen trugar liv, helse og eigedom, sa 20-åringen.
I midten av juni prøvde Thunberg og andre aktivistar å hindre tankbilar på veg til og frå ein oljeterminal ved hamna i Malmö. Gruppa Ta Tilbaka Framtiden stod bak aksjonen.
To andre personar som også deltok i aksjonen, har også blitt tiltalte. Dei vil bli stilte for retten neste månad.