Fylkesnes skeptisk til å bli ny SV-leiar
SVs Torgeir Knag Fylkesnes seier til NRK at han truleg ikkje stiller som kandidat til å bli ny leiar for partiet.
– Det er lite sannsynleg at eg stiller som kandidat for å bli leiar av SV. Eg er skeptisk.
Fylkesnes var ein av dei som har blitt nemnd som mogeleg arvtakar etter Audun Lysbakken, som tidlegare i november kunngjorde at han ikkje tek attval på landsmøtet i mars neste år.
Valkomiteen har gjeve lokal- og fylkeslag frist til 20. desember for å kome med innspel til kven dei ønsker som ny leiar.