Fransk sentralbank varslar tøffare tider for hushaldningar

Den franske staten har ikkje råd til å ta støyten for den økonomiske nedgangen som krigen i Ukraina har medført. Det sa leiar for sentralbanken i Frankrike i dag, ifølge Reuters.

Leiar for sentralbanken Villeroy De Galhau gav uttrykk for at hushaldningane må vente at kjøpekrafta vil bli svakare, og la til at den franske staten ikkje vil vere i stand til å følge den same tilnærminga som under koronapandemien.

Ifølge Villeroy de Galhau må staten kutte i budsjetta, samtidig som ei pensjonsreform vil vere ønskeleg.

Utsegnene skjer samtidig som det er venta at den europeiske sentralbanken vil auke styringsrenta.