Flyr godkjenner løysing

Styret i flyselskapet Flyr har godkjent forslaget frå investorane, og held fram arbeidet med å sikre vidare drift. Det kjem fram i ei børsmelding onsdag morgon.

Dei vil no prøve å hente 700 millionar kroner gjennom fire aksjeutvidingar.

Flyr har vore i akutt pengemangel, og storinvestorar har seld seg ut.

– Selskapet sitt styre har vurdert forslaget om ein ny struktur samansett av eksisterande og nye profesjonelle investorar. Dette er det beste for selskapet og aksjonærane, skriv Flyr i børsmeldinga.

Selskapet ber no investorar om meir pengar og har gitt seg sjølv ein frist til første kvartal 2023 for å klare dette.

– Dersom selskapet ikkje klarer å skaffe denne ekstra nye kapitalen innan utgangen av 1. kvartal 2023, så kan kanskje ikkje selskapet oppretthalde drifta, skriv Flyr.