Fleire om bord på styrta militærfly funne

Fiskebåtar har funne tre av dei åtte som var på det amerikanske militærflyet som styrta tidlegare i dag.

Tilstanden til dei tre er førebels ukjent, melder Reuters.

Den japanske kystvakta seier også at dei har funne flyvraket og det som verkar å vere ein livbåt.

Tidlegare i dag meldte fleire nyheitsbyrå om eit amerikansk Osprey-fly som styrta i Stillehavet utanfor den japanske øya Yakushima. Åtte personar skal ha vore om bord.