Finlands statsminister reinvaska etter festsak
Det finske sivilombodet seier statsminister Sanna Marin ikkje forsømte pliktene sine som statsminister då ho deltok på ein fest i august.
Grunnen til klagene var ein lekka video frå festen som viste statsministeren danse.
Marin har forklart at ho hadde hatt ein kveld saman med venner, og at videoen blei filma i private rom. I etterkant av lekkasjen tok ho også ein narkotikatest, som var negativ.
Sivilombodet seier at klagene som kom inn, ikkje klarte å fastslå at Marin hadde sett noko offisiell plikt i fare.
Vidare seier ombodet at dei moralske og sosiale dimensjonane ved fritidsaktivitetane til statsministeren, er ei sak for parlamentet.