EU vil vita korleis Meta handterer seksuelt misbruk av barn på nett

EU gav fredag ordre til det amerikanske teknologiselskapet Meta Platforms om å dela detaljar om kva tiltak dei har innført for å beskytta barn mot nettovergrep på Instagram, eit av dei sosiale medium det amerikanske selskapet eig. Meta har frist til 22. desember med å svara på henvendinga.

Nyheitsbyrået Reuters siterer EU-kommisjonen, som skriv i ei utsegn at dei også har etterspurd informasjon om korleis algoritmeanbefalingane fungerer og korleis det kan forsterka spreiinga av potensielt skadeleg innhald.

Førespurnaden er gjort med grunnlag i EUs Digital Services Act (DSA), er ei ny teknologilovgiving som krev at dei store teknologiselskapa gjer meir for å overvaka og stoppa ulovleg og skadeleg innhald på plattformene sine.