EU-presidenten takka Støre
EU-presidenten Ursula von der Leyen seier Noreg har ei viktig rolle å spela når EU skal frigjera seg frå russisk gass.
– Som vi har sett, har Russland dei siste månadane brukt gass som eit instrument for å leggja press ikkje berre på Ukraina, men også på EU. Vi er veldig bestemte på å koma over avhengigheita vår av russisk gass. Difor er det veldig fint å ha deg her, sa von der Leyen då ho møtte statsminister Jonas Gahr Støre.