Premierestykket var komedien "Dei siste maksveringar" av
Rolf Losnegård frå Holmedal.
Stillingsboikott og suksess
Fram til 1980 låg teatret under Riksteatret. Då fylkeskommunen og andre lokale eigarar fekk ansvaret i 1980, vart det hard strid då eigarane ville at teatret skulle styrast av ein teatersjef,
og ikkje av allmøte, slik dei fleste skodespelarar og forbundet deira kravde på den tida. Då skodespelar og instruktør
Anne Gullestad vart tilsett som teatersjef, vart ho møtt med stillingsboikott. Likevel makta ho å fylle ensembla og gjere teatret populært blant folk.
|
Anne Gullestad |
Seks premierar i året
Teatret har sidan starten hatt kring seks premierar i året, og frå første Kinnaspelet i 1985 (sjå:
Kinna-kyrkja, segna og spelet) har Sogn og Fjordane Teater hatt ei sentral rolle i ei rad lokale sogespel både i Sogn og Fjordane og andre stader på Vestlandet.
Kulturbåten
|
Kulturbåten. (Foto: NRK) |
Teatersjef
Anne Gullestad var den første som lanserte idèen om ei flytande teaterscene – ein kulturbåt – som kunne turnere i fylket og resten av Vestlandet. Første turnèen med den ombygde ferga ”Innvik” i 1982 med komedien ”Splint” av
Norvald Tveit vart ein av teatrets største suksessar nokon sinne.
Økonomiproblem
Sogn og Fjordane Teater kom i 1987 opp i store økonomiske vanskar som m.a. gjorde at styret vart skifta ut.
Høgthengande pris i 2006
I 2006 vart Sogn og Fjordane Teater tildelt ”Heddaprisen” som er norsk teaters største påskjøning. Teatret fekk prisen i klassen ”særleg fagleg innsats” for arbeidet med stykket ”Saman skal vi leve” med tema kring mobbing og rasediskriminering. Stykket er basert på det som hende kring dødsfallet til Arve Beheim Karlsen (sjå
Beheim Karlsen-saka) i 1999.
|
Teatersjef Terje Lyngstad. |
Teatersjefane
|
Teatersjef Mette Brantzeg. |
Første styreformann var Reidar Tveit. Teatersjefar har vore
Anne Gullestad 1979-1987,
Noralv Teigen 1988–1991, Emte Stag 1991–1999, Mette Brantzeg 2000-2004, og
Terje Lyngstad frå 2004.