Avinor ventar 135.000 påskereisande fredag

Fredag er det forventa at 135.000 personar skal fly frå dei fire største flyplassane i Noreg.

– Sjølv om vi er eit stykke unna 2019-nivå, ser vi at veldig mange nordmenn skal på reise desse dagane, seier Stine Ramstad Westby, Avinor sin konserndirektør for Oslo, Bergen, Trondheim og Stavanger lufthamn.

Berre på Oslo lufthamn åleine er det forventa rundt 86.000 passasjerar fredag. Avinor rår reisande til å bruke digitale løysingar og gjere førebuingar før ein kjem til flyplassen. (NTB)