984 nye smittetilfelle i Noreg

Det siste døgnet er det registrert 984 nye koronasmitta personar her i landet. Det er 101 færre enn dagen før og 80 færre enn same dag i førre veka. Dei siste sju dagane er det registrert til saman 6585 nye smittetilfelle.

267 pasientar var onsdag innlagde på sjukehus med covid-19. Det er tre fleire enn dagen før. I alt er 656 koronasmitta personar døde i Noreg sidan mars i fjor. Ni av dei døde var under 50 år.

520.067 personar har fått første dosen av koronavaksinen, og 263.784 personar har fått andre dose. Ved midnatt natt til torsdag var det registrert 90.104 koronatilfelle her i landet.