Blinken møter kinesisk utanriksminister

Den amerikanske utanriksministeren Antony Blinken ankom tidleg fredag i Beijing. Der skal han ha samtalar med sin kinesiske kollega, utanriksminister Wang Yi.

– Det er ingenting som er betre enn ansikt til ansikt-diplomati, sa Blinken på eit pressemøte.

Dei to er venta å diskutere ei rekkje tema som USA og Kina har ulikt syn på. Blant dei er militærfaglege band, risiko knytt til kunstig intelligens og straumen av det narkotiske stoffet fentanyl frå Kina til USA.

Wang uttalte før samtalane at forholdet mellom dei to landa er «stabilisert», ifylgje Reuters.