Qatar: Israel og Hamas med naudhjelpsavtale til Gaza

Israel og Hamas er samde om ein avtale om naudhjelp og medisinar til Gaza. Det seier utanriksdepartementet i Qatar, ifølge Reuters.

Avtalen omfattar både naudhjelp til palestinske sivile og medisinar til israelske gislar.

Naudhjelpa blir frakta frå Doha onsdag til Al-Arish i Egypt for å bli gjort klar til transport inn på Gazastripa.

Det er Qatar og Frankrike som har bidrege som meklarar i avtalen.