Ukraina har tatt rykk fram rundt to kilometer og tatt tilbake kontroll over område rundt Bakhmut, ifylgje landet sitt forsvarsdepartement.

Fredag opplyser departementet at ukrainske styrkar har hatt betydeleg framgang rundt byen i Donetsk-regionen aust i landet.

– Fienden har lidd store mannskapstap. Våre styrkar har rykka fram to kilometer nær Bakhmut. Denne veka har vi ikkje mista ei einaste stilling i Bakhmut, seier viseforsvarsminister Ganna Maljar i ei fråsegn på sosiale medium.

Kampane om Bakhmut har vore blant dei hardaste og mest langvarige i krigen. Russland avviste torsdag at Ukraina har brote gjennom frontlinja og rykka fram nord og sør for byen. (NTB)