Siger for AUF: Vrakar fråværsgrensa

Arbeidarpartiet vil fjerne fråværsgrensa i vidaregåande skule. AUF har med det fått gjennomslag i ei sak som har vore viktig for ungdomspartiet.

Det var VG som omtalte saka først.

AUF-leiar Astrid Hoem seier til NRK at ho er glad for at det no ser ut til at dei får med seg landsmøtet på å skrote grensa.

– No blir det foreslått å erstatte dagens fråværsgrense. Det er eit skikkeleg stort AUF-gjennomslag som generasjonar med AUF-arar har kjempa for.