Posten: Vent med Ukraina-pakkane til over nyttår

Posten og den ukrainske ambassaden oppfordrar nå alle som vil senda hjelpepakkar til Ukraina om å avventa til over nyttår, skriv Posten i ei pressemelding.

– Bakgrunnen er at det er heilt fullt ved mottakssentera i Polen. Dei har ikkje kapasitet til å motta fleire uadresserte hjelpesendingar før etter nyttår, seier pressesjef i Posten Kenneth Tjønndal Pettersen.

Avgjerda om å oppfordra folk til å venta med å senda pakkane er tatt i samråd med den ukrainske ambassaden i Noreg, opplyser Posten.