Ulf Kristersson statsminister i Sverige
Eit fleirtal av Riksdagens medlemer har i dag stemt for at Ulf Kristersson skal tiltre som statsminister. Sverige vil med det få si fyrste borgarlege regjering på åtte år.
Kristersson annonserte fredag at det var inngått regjeringsavtale mellom partiet hans Moderaterna, Kristdemokraterna og Liberalerna. Regjeringa skal ha tett samarbeid med Sverigedemokraterna.
Dei fire partia har eit knapt fleirtal i Riksdagen på 176 mot 173 mandat.
Regjeringa er venta å tiltre tysdag.
(NTB)