Brann i bustad i Nordre Follo

Naudetatane rykkja ut til Langhus i Nordre Follo etter melding om brann i ein bustad. Politiet fekk meldinga klokka 01.26.

Bustaden blei evakuert. Det var ope flammar då naudetatane kom til staden. Personane som fekk i seg røyk blei sjekka av ambulansepersonell og er i god form.

Årsaka til brannen skal vera elektrisk og området er mørklagt.

– E-verket er på veg. Brannen ulmar framleis, skriv politiet like etter klokka 02.