Støre møtte Zelenskyj i Ukraina
Statsminister Jonas Gahr Støre var i dag på besøk i Ukraina. Her besøkte han krigsråka område ved grensa til Belarus, samt presidentpalasset i Kyiv.
Statsministeren lover betydeleg og langvarig støtte til landet, mellom anna i form av 10 milliardar kroner. Pengane skal gå til humanitær bistand, gjenoppbygging, våpen og driftsstøtte til styresmaktene.
Støre reiste direkte frå Nato-toppmøtet i Madrid og møtet blei halde hemmeleg i forkant grunna tryggleiksårsaker.
Besøket er det andre frå offisielt norsk hald. Utanriksminister Anniken Huitfeldt var i Kyiv og møtte Zelenskyj i byrjinga av mai.