Støre møter Lysbakken klokka ti
Ap-leiar Jonas Gahr Støre og SV-leiar Audun Lysbakken møtast heime hjå Støre klokka ti, opplyser NTB.
– Vi har fått ei oppgåve av veljarane, og det er å danne ny regjering. Det tar eg veldig på alvor, sa Lysbakken til NRK utanfor Støres bustad før møtet.
I går hadde Støre og Ap-nestleiar Hadia Tajik møte med Sp-leiar Trygve Slagsvold Vedum og Sp-politikar Marit Arnstad.
– Vi hadde ein hyggeleg og konstruktiv samtale, sa Vedum.