Livlaus mann henta opp av vatn

Ein livlaus mann er funne i eit vatn i Øyangen i Ringerike. Vedkommande blei funne ved ein kano. Det blir gjort livreddande tiltak på staden, skriv Sør-aust politidistrikt på Twitter.

Politihelikopteret er i søk over området og ambulansehelikopter er på veg. Politiet ber om tips på tlf. 02800.

I ei oppdatering klokka 19.10 skriv politiet at dei har kome i kontakt med ei kvinne som har vore saman med mannen i kanoen. Ho klarte å symje i land til ei anna øy og blir varetatt av helse. Det var berre dei to i kanoen. Dei jobbar framleis med livreddande tiltak på mannen og pårørande er varsla.