Kallar inn til ekstraordinært møte
Den akutte politiske krisa i Sverige har fått regjeringa til å kalla inn til eit ekstraordinært møte søndag, ifølgje SVT.
Måndag er det duka for mistillitsavstemming mot statsminister Stefan Löfvens si regjering. Eit fleirtal i Riksdagen har varsla at dei vil stemma for å fella regjeringa.
Dersom regjeringa blir felt måndag, får Sverige ei overgangsregjering. I møtet søndag skal dei gjera avgjerder i fleire spørsmål som ei overgangsregjering ikkje kan gjera.