Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 1. beaivi

Skábmamánnu máhttá leat sevdnjes mánnu. Diekkár mánnu mas váilu čuovga ja vuoibmi, ja midjas min hávkkaha suhkes, ránes rakčii mas visot manná hihtasit. Lea dego máilbmi livččii ivnniidis massán, ja eallin lea dego sirrahii gomihuvvon; gosii áibbas bisánan, muhto ii áibbas. Lea váttis illudit árgabeaivvi agálaš šoabadagas.

Diekkár jagiid lea lossat ráhkkánahttit juovllaide ráhkkanišgoahtit. Dovdo beare bargun ja váivin; vel akta geatnegasvuohtan dego. Attáldagaid válbmet ja juovlagoarttaid čállit ii atte ilu, ja barggut leat beare rahčan. Nu rahčan ahte juohke áidna bargu orro veadjemeahttun. Beare jurdilit dáid bargguid lea lossat. Dáid bargguid man juohkehaš vuordá mu bargat, muhto man in obanassiige hálit inge gille jurdilit ge. Soaitá ahte jagis jahkái dat vearrána? Ahte mu váilevaš vuoibmi boahtá das ahte lean boarásnuvvan?

Diibmá de lei ná. Dađi mielde go kaleandara beaivvit lahkonišgohte juovlamánu, mon dolken heanup aht heanup Mon oidnen aivveval bargguid, inge makkárge iluid. Lei lossat beare jurdilit sáni “juovllaid”.

Muhto de aŋkke álgen; badjelgehččen vuostemiela ja bargen soames barggu juohke beaivvi. Juovlanástti heŋgejin lásii, dán vuollái iđistii giežajuolggat čuovgaholga. Sáhppes beavdeliinniid bidjen bevddiide, ja mon čahkkehišgohten gintaliid maŋŋegaskabeivviid. Muhtomin gullen vel iežan juovlasálmmaid huraideamen.

Dalle mon huomedin dan, dan geaiddu midjas čuovvu juovllaid mielde. Mon huomedin ilu. Dat čiehkada juohke sisapáhkkejuvvon attáldaga ja juohke juovlagoartta duogábeallái. Dat illu midjas vuordá vel stuorit ilu. Veahá heanup beaivvis beaivái. Mon lean dávjá jurdilan ahte mis lea lihkku geain lea dat čuvges ávvudeapmi gasku skápma. Ahte mis lea juoga masa illudit midjas boktá vuordámušaid ja noaidevuođa. Juo, gal dát juovllat nai šaddet čuovgadat ja šealgadat, dát gal lea áibbas sihkkar, go mon beare raban váibmon juovllaid illui.