Beakkán sámi ráp-artistta Nils Rune Utsi dahjege SlinCraze lea otne almmuheamen ođđa EP. Das lea namma «Mirku», ja teavsttat leat sihke sámegillii ja eaŋgalasgillii.

– Dát EP lea musihka birra – amaset olbmot oažžut eará ipmárdusa, muitala Utsi.
–Nu ahte dat ii lea muhtun nieidda birra, gii lea dat mirku?
–Ii leat, reašká Utsi. Moai Ovlláin letne ráppemin musihka birra, mo musihkka lea veahkehan munno ja addán ollu ilu munnuide, go letne beassan vánddardit ja čuojahit olu.

Dehálaš bargat

Soai Ole Kristoffer Hættaiin leaba bargan olu dáinna šuoŋain. Šuokŋa bođii sutnje hui lunddolaččat, ja go dat bođii de son ja su buvttadeaddji ráhkadišgođiiga ‘’Mirku’’ lávlaga demo.

• Guldal maid: Diibmosaš Slincraze-konsearta

– Go ledjen ráhkadan demo, de čájehin dan Ovllái, ja dáhtton su čállit teavstta dasa. Go lei geargan dainna de álggiimet báddet. Nu diet ráppalávlla ráhkaduvvui, muitala Utsi.

Ja go sii leat bargamin ođđa lávlagiin, de lea dehálaš ahte galgá šaddat nu buorre go vejolaš, ja dalle lea dehálaš ražahit guhtet guoimmiset.

– Mun láven álo hásttuhit Ovllá dahkat buktaga buorebun ahte buorebun. Loahpaloahpas de lea oalle láhkai dolkan dasa. Nu lea juohke lávlaga hárrái, hásttuhan dahkat nu bures go sáhttá.

• Loga Maid: SlinCraze ble intervjuet av BBC

Ávvudit beassážiidáigge

Guhkesbearjadaga de čuojahit buot dáid ođđa lávlagiid vuosttaš geardde almmolaččat Guovdageainnus, muhto muđui beassážiid de leat sus eará plánat.

– Mun áiggun bargat nu mo buot eará nuoratge! Mun áiggun veahá festestit ja suohtastaddat olbmáiguin, lohká Utsi.