Ollugat soitet muitit dan rosa-vuovttat nieidda guhte mátkkoštii miehtá máilmmi ruđa haga ja jearai olbmuin veahki sosiála mediaid bokte.
GUOVDAGEAINNUS: Tor Jonny Reitan lei Line Elvsåshagen vuosttaš date:a ođđa TV-ráiddus mii oidnogoahtá čakčat, «Line dater Norge». Son gal oalle sakka šarbmerii mu, muitala Reitan.
Foto: PrivatDál lea Elvsåshagen fas mátkkošteamen, ja dán háve dárbbaša son vel veahki ráhkisvuođa gávdnat.
Sáhtát čuovvut Line mátki sihke Facebookas ja Instagramas.
Gávnnaigo ráhkisvuođa Guovdageainnus?
Guovdageainnus finadii Line mannan vahkkus ja doppe son deaivvai Tor Jonny Reitana.
– Son gal oalle sakka šarbmerii mu, mieđiha Reitan ja mojohallá.
Tor Jonnys lea lihkku go orru ahte Line maid liikostii sutnje. Geahčas mat dá:
– Son lei hui čeahppi njoarostit ja báhčit, ja Line lea dakkár nieida gii duođalaččat duostá geahččalit feara maid, dat lei munnje hui suohtas. muitala Tor Jonny, guhte lea veahá hirpmástuvvan.
Son dovddasta vel ahte soai dál čálašeaba SMSaid bokte. Gii dan diehtá, soaitá leat nu ahte Line lea juo gávdnan ráhkisvuođa? Muhto dan eat dieđe ovdal čakčat go «Line dater Norge» prográmma oidnogoahtá NRKas.
Guldal dás olles jearahallama Tor Jonny Reitanin:
