Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 16. beaivi.

Dihtet go ahte musihkas lea iežas giella, iežas doahpagat ja iežas grammatihkka? Mon in riekta dieđe gonnes mu rupmašis musihkkaillu lea. Muhtomin navddán dan gieđain ja julggiin, go ritmmat nu lihkastahttet mu ahte verten dánsestit. Muhtomiin jáhkán ahte musihkkaillu lea dovdduin ja váimmus, go musihkka buktá mu siskkildas amas dovdagiidda, ja sihke garra rittuide ja áibbas goalkái. Ja muhtomin orro dego musihkkaillu livččii oaivvis, go stuorra, čáppa jurdagat ilbmet musihka guldalettiin. Ja muhtomin lea juohke sajis aktanaga; rupmašis, jurdagiin ja váimmus seammaáiggi – ihána musihkkavásáhusas masa olát darvánan.

Musihka giella lea juovlavuordináiggi hui čielggas. Dalle ozan ovddos musihka daid halit diimmuide; iešguđetlágan šáŋŋeriin, muhto veahá jaskes ja áibbašeapmái nuohtat visot halitdiimmuide. Dalle dovddan ahte mu ráfehisvuohta dárbbaša guldalit musihka, ja duođai vásihit dan. Konsearttat šaddet dehálažžan ja riektan ožžožit daid vuoiŋŋalaš vásáhusaid mat devdet mu nu holu iluin.

Eallin riggu musihkain. Ja mađi heanup iešguđetlágan šáŋŋeriid mon guldalan, dađi heanup mon ráhpasan dasa midjas lea ođas. Dasa midjas lea čáppat. Dálvet ledjen Ušllu operas. Lea skeaŋka beare leahkit dan čáppa huotnahis. Dat lea min, visot Norgga ássiid, stohpu. Ja doppe guossohuvvo čáppa musihkka jáhkkemeahttun birrasis. Skeaŋka sihke čalmmiide ja beljiide! Giitevašvuohta ja illu devdet mu. Jurdil ahte mon, unna guolásteaddjinieida Nuorttan, beasan vásihit diekkár čábbodagaid. Dat midjas ovdal lei riiggáide, lea dál juohkehažžii, ja lea vejolašvuohta maid máŋgasat váldet go mátkkoštit Ušlui, vaikko eai leat goassige gullan opera dege oaidnán baleahta ovdal.

Musihkka ii beroš guđemus don leat. Dat lea doppe vaikko goktes. Ja de mii vertet dan váldit vuostá, ja addit dasa saji ja mearkkašumi min eallimiidda.