Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 15. beaivi.

Edel lea dearvvaš nisson. Son lea 60 jagi deavdán, ja liiko várrečohkaid nalde čohkahit. Skápmamánus čielggaduvvui manne lei nu šloanccas. Lei borasdávda, ja lei hoahppu. Norgga dearvvašvuođabálvalus máhttá leat ihána buorre, ja 12 diimmu maŋŋel divšodeapmi lei juo álgán.

Lei lossat juovllaidáiggis skihpaseanggas vealládit. Veallai doppe vielgada sinne, ealli ruškes čalmmiiguin, ja divttii eallima birastit su. Son ii lean boahtteáiggis, «go beare gearggan», muhto dalá áiggis; go su rumaš doarui skihpodaga vuoste. Son guldalii iežas siskkáldasa, ja huomedii ahte dálkasat váimmu moiddodahte ja sutnje šadde vuolššit. Su eallin lei doaktáriid duohken. Edel válddii ovtta beaivvi, iežas hástalusaiguin, hain havvalis. Dat lei doarvvái holu, okta beaivi lei dego agálašvuohta. Son lei guhkkin eret dan árgabeaieallimis man dovddai, bargguin ja veagain. Dát lei ođđa vásahus, ja dan son galggaige geahččalit.

Golbma garra dálkkodeami dearvvasmahtte su, ja beasai ruoktut johttát. Son lei ožžon eallima skeaŋkan, ođđasit. Son lei okta dain geaid doaktárat nagode veahkehit.

Dál máhtii ovddošguvlui geahččagoahtit. Álggus beaivái go galggai ruoktut beassat. Dalle galggai beassat allasii dadjat ahte skihphuonasbiepmut, dat leat obba ahkidat. Son áibbašii gáskálasaid ja skvallergálaid maid lei čoaggan ja jiekŋudanbumbui bidjan. Daid galggai dál suddadit ja návddašit, ja duođai boradettiin jurdilit geasi gilvvagárddi.

De jurdilii geasi. Plánegođii eallima go dat vas galggai ealáskit. Son lei giitevaš ja ilolaš. Illudii gođđit mánáidmánáide liegga váhcaid maiguin mánáidmánát bivve. Illudii oađđit iežas seaŋggas. Dáid unna diŋggaide illudii. Skihpodat lei oahpahan sutnje juoidá dehálačča. Ahte eallin lea dál, ja lea dál mii máhttit dan deavdit. Dán ođđa oahpuin son mátkkoštii ruoktut árgabeaieallimii