NRK Meny
Normal

Gonnes juovlanigá orro?

Vuordináigeráidu: Juovlamánu 11. beaivi.

Julenisse
Foto: posti.fi

Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 11. beaivi.

Juovlaniigá lea šaddan ruhtaolbmuid gollegiisán, mas juohkehaš geahččala binnáža suoladit. Amerihkalaš nigái mas leat bohccot, lea sámiid sivva. Gollerogganáiggis bohccot sáddejuvvoje Alaskai gálvvuid ja biepmuid, heanemusat biepmuid, ruvkkiide fievrideažžin. Lei váttis gávdnat luohtehahtti gálvobukti Alaska garra dálkkádagas. Iežá asi lea ahte son gii heanemusat bekkii, lei beana man namma lei Balto, midjas gáddjui olbmuid go fievrridii dálkasiid garra dálkkiid čađa mat bággeje olbmuid ja herggiid suoji ohcat. Go bohccot álggus bohte USAii, dat sáddejuvvoje birra vuosehussii gávpogiin. Dat dáhpáhuvai juovlagáhtaid rahpamis. Walt Disney lei akta dain gii ipmirdii dainna ávkkástallat, ja heahkkadahkii juovlanigá čohkkái girdi bohccuid gesson reagas devdon attáldagaiguin.

Beate Heide
Foto: Privat

Amerihkanerat bidje dieđun juovlanigá orrot Nuortapolas. Dološ áigge juovlanigá lei unna sivdnádus gii orui vevssiin ja geainna verteje čábbát láhttet vai dálu galggai váktet. Dán dihte oaččui rávčča juovllaide. Son ii lean stuoris, dat veksenigá, ja áiggi mielde son oaččui rukses gahpira oaivái. Odne juovlanigá orru veahá duos das, olbmuid jurdagiid mielde. Holusat čuoččuhit ahte son orru Drøbakas. Doppe lea juovlanigábuvda birra jagi, ja dohko sáddejuvvojit tonnaid mielde reivvet juovlanigái. Olles máilmmis máŋgasat jáhkket ahte juovlanigá lea norgalaš. Roavvenjárggas Suomas lea juovlanigá-turistahoaitu poláragierddus. Suopmelaččat čuoččuhit ahte juovlanigá boahtá Suomas. Islanddas juovlanigás leat 13 hilbeslágán juovlastáloža; sii devdet hilbes mánáid skuovaid vuššon budeahtaiguin – skeaŋkkaid sadjái. Jáhkán dát stáložat orrot Dimmuborgiris Myvatn lahka.

Nederlanddas Sinterklas boahtá oktan ruhttejeaddjiin juovlamánu guđat beaivvi, soai addiba šiega mánáide skeaŋkkaid ja hilbes mánáide giehpanjuni. Mu mánnávuođa juovlanigá bođii Æråsis, ja orui doppe birra jagi. Son jođii sihke Ándánjárgii ja Haugnessii bearráigeahčažit ahte mánát láhtteje čábbát. Nu son hain dahká. Nie olbmot máhttet gaikut juovlanigá juohke guvlui ja viggat su eaiggáduššat. Mon beare dajan, lea go imáraš ahte máilmmis sohtet?