Marengsat:
Don dárbbašat:
- 4 mani
- 3 dl sohkkara
Vuosttaš maid dagat lea ligget oapmana 100 grádii. De sirret monnevielgadasa ja monnefiskadasa. Lea hui dehálaš ahte it seagut daid. Go leat dan dahkan, de fierut monnevielgadasa dassážii go suohku (stiivu).
Go leat dan dahkan de seaguhat vel sohkkariid dasa, muhto muitte fal ahte it njorre buot sohkkariid oktanaga lihttái.
De bijat seaguhusa guhkes bánnui nu mo háliidat ahte dat galget leat oaidnit. Daid goikadat sullii diimmu oapmanis.
Karameallat:
Don dárbbašat:
- 50 grámma vuoja
- 2,5 dl sohkkara
- 1 dl sieráha
- 1 dl lávcca
Vuosttaš maid dagat lea ligget vuoja. Dasa seaguhat sohkkariid ja sieráha, ja divttát duoldat dassážii go ruškkoda.
- Loga maid: Har 200 gaver til trengende barn
Dan botta go dát duolddada, de sáhtát čuohppat gárvvisin cellofana báhpára, masa karameallaid bijat maŋŋá. Čuohpa vel juovlabátti.
Go karamealla lea ruškkodan, de seaguhat lávcca dasa. Ja de fierut ja duolddahat dan vel veahá. Divtte orrut eará lihtis galbma lanjas dassážii go lea čoskon. De goaivvo basttiin karameallaid báhpára ala.
Ja de čana juovlabátti birra, nu ahte šaddá čáppat:
Lákcajiekŋa:
Jus háliidat, de lea maid vejolaš ráhkadit lákcajieŋa.
Don dárbbašat:
- 4 monnefiskadasa
- 2 olles mani
- 1 dl sohkkara
- 2,5 dl lávcca
- 1 vanilljastákku/ vanilljaesseanssa/vanilljasohkkariid
Vuosttaš maid dagat lea fierrut maniid oktii nu ahte šaddá mannevisppusin. De fierut lávcca dasa, nu ahte lákcan šaddá. Dasa vel bijat vanilljastákku, vanilljaesseanssa dahje vanilljasohkkariid.
- Loga maid: Rentekutt kan sette fart på julehandelen
Dál seaguhat mannevisposa ja lávcca bures. Bija dán seaguhusa forbmii, ja de jiekŋaboksii. Divtte orrut doppe gitta dassážii go lea galbmon.
Jus háliidat maiddái eará njálgáid maid addit, de lea hui álki oastit marsipána ja nuogata ja daid hábmet smávva váibmun dahje eará hápmásažžan.