– Gárrenolbmot ja mánát eai berre leat seamma sajis, mu mielas. Mánát muitalit ieža ahte sii šaddet eahpesihkkarin go ollesolbmot juhket.
– Unnoražžat, njuoratmánát, dat gal njulgestaga ballet juhkanolbmuin.
Nie muitala mánáid- ja nuoraidpsykologa, Anne Lene Turi Dimpas.
Son čájeha dutkamii mii čájeha ahte mánát fuobmájit árrat ahte ollesolbmot leat juhkan.
Ávžžuha árvvoštallat álkohola dehálašvuođa
– Buot rávisolbmot galggašedje jurddašit; leago nu dehálaš dat álkohola? Jos govvida dan ahte mánáin ii leat somá, baicce jurddašit ahte mánáin galgá leat buorre dilli juovllaid – eatgo baicce bidjat eret álkohola?
Nie dadjá Turi Dimpas, ja joatká:
– In leat in agibeaivvesge gullan ovttage máná dadjamin dan ahte «Mu mielas lea nu somá go eadni dahje áhčči válddesta».
- Loga maid: Álggos somá – ja de lossesmiella
LEAGO BÁGGU?: Ollesolbmuide dáidá somá – nuoramusaide ii dáidde.
Foto: Lien, Kyrre / Scanpix- Loga maid: Dákkár oktavuođas ii galggašii juhkat
Čujuha sámi historjái
– Erenoamážit dáppe Sámis. Jurddaš man ollu álkohola lea bilidan min álbmoga ovddas historjjálaččat. Juhkanminsttar dáidá rievdan, muhto ovdal – dalle ovdamearkka dihtii go mun ledjen mánná, dalle lávejeimmet gal ballat gárrenolbmuin.
– Muittán ahte lávejedje juovlastálut geat muhtomin ledje máisttán beare olu, dadjá psykologa loahpas.
- Loga maid: Dihtetgo ahte buoiddut álkoholas juovllaid?
Guldal:
