Åse Michalsen vert i dag utnemnd som eldreminister, når statsminister Erna Solberg presenterer den blågrøne regjeringa på Slottsplassen i ettermiddag.
NRK får bekrefta at Michalsen har vore innom sjukehus i Oslo med kraftig influensa. Det ser likevel ut til at ho trappar opp på Slottsplassen i ettermiddag kl. 14.
– Eg er laga av stål så stiller opp der eg skal, skriv ho i ein SMS til NRK.
Ho skriv vidare at ho har fått intravenøs penicillin og fått konstatert kraftig influensa av legen.
57-åringen frå Mandal representerte Vest-Agder på Stortinget frå 2005 til 2017, men tok ikkje attval i fjor.
På Stortinget har ho vore i transport- og kommunikasjonskomiteen, justiskomiteen, kyrkje-, utdannings- og forskingskomiteen og valkomiteen.
Ho har derimot aldri hatt ansvar for eldreomsorg i nokon komite.
Michaelsen er opphavleg utdanna interiørarkitekt. Ho har også tatt utdanning som treningsinstruktør, drevet bensinstasjon og jobba i SAS.
- Les meir:
Vert den første eldreministeren
Michalsen vert ei av dei nye ansikta i den utvida regjeringa Solberg presenterer i ettermiddag. Statsrådsposten hennar er også heilt ny, og vil ligge under Helse- og omsorgsdepartementet, saman med helseminister Bent Høie.
Den offisielle tittelen skal vere statsråd med ansvar for eldresaker.
Posten skal ha vore ei kampsak for Frp i fleire år.
Andre nye ansikt i regjeringa:
- Trine Skei Grande (V) blir kulturminister
- Ola Elvestuen (V) blir klima- og miljøminister
- Iselin Nybø (V) blir forsknings- og høyere utdanningsminister
- Nikolai Astrup (H) blir bistandsminister i Utenriksdepartementet
- Åse Michaelsen (Frp) blir eldreminister i Helsedepartementet
Les meir:
