Greier han å velte Orderud-dommen?

Hopp til innhold

Sjå Tore Sandberg direkte frå kl. 16.15:

Drapa på ekteparet Kristian og Marie Orderud og dottera Anne Orderud Paust i kårbustaden på Orderud gård natt til pinseaftan 23. mai 1999, er den mest medieomtalte kriminalsaka i Noreg nokon gong.

Tore Sandberg har dei siste to åra jobba med denne saka på oppdrag frå to av dei som vart dømde for drapa, ekteparet Per og Veronica Orderud.

Konflikt om gard

Per Orderud er sonen til Kristian og Marie Orderud og bror til Anne Orderud Paust. Eitt motiv for drapa skal ha vore ein konflikt mellom Per og Veronica Orderud og foreldra hans om overtakinga av garden, ifølgje dommen.

Det er Stiftinga for ei Kritisk og Undersøkjande presse (SKUP) som har invitert den erfarane journalisten og etterforskaren Tore Sandberg til SKUP-konferansen i Tønsberg for å fortelje om dei nye funna sine. Og det er store forventingar til at han verkeleg har noko nytt å kome med.

For Tore Sandberg har levert resultat før. Hans arbeid førde til at både Per Liland og Fritz Moen vart frikjende for drapa dei hadde sona mange år i fengsel for.

Den tidlegare NRK-journalisten Tore Sandberg seier at han kjem til å leggje fram nye bevis på SKUP-konferansen. Han har blanat anna funne at det er gjort feil i etterforskinga, og han seier at det han vil leggje fram er "oppsiktsvekkjande".

Nye vitne

- Slik det ser ut no kan heile dommen mot Per og Veronica Orderud vere feil, og at dei to er dømde på feilaktig grunnlag, seier Tore Sandberg.

Han har funne fram til nye vitne, og det skal også ha kome fram påstandar om ein namngitt gjerningsmann, ein person som ikkje har vore etterforska tidlegare.

Også Veronica Orderud skal delta på SKUP-koknferansen. Ho har heile tida sagt at ho er uskuldig og meiner at ho vart førehandsdømd i pressa. SKUP-styret meiner det er viktig at ho får leggje fram si sak, sjølv om det er reist til dels sterk kritikk mot at ho skal sitje i panelet.

Tore Sandberg meiner at det han har funne ut i løpet av dei to åra han har etterforska Orderud-saka, bør vere nok til at Gjenopptakingskommisjonen vil gi grønt lys for at saka kan bli teken opp igjen.

Fakta om Tore Sandberg

Fødd 23. april 1944 i Asker
Journalist i NRK 1968-1982.
Frå 1982 dreiv han firmaet Tore Sandberg A/S. Produksjon av informasjonsvideoar og kurs for private og offentlege verksemder.
1990-1991: "I søkelyset" på TVNorge i samarbeid med Oslo politikammer.
Medan han jobba med dette programmet vart han kontakt av svenske Sten Ekroth, som hadde skrive bok om Liland-saka. Ekroth var overtydd om at Liland vart utsett for eit justismord. Dette sette Sandberg i gang med Liland-saka, som enda med at Per Liland vart frikjend og fekk 13 mill. kroner i erstatning.
I 1998 engasjerte Tore Sandberg seg i Fritz Moen-saka i Trondheim, der Moen var dømd til 18 års fengsel for to drap på unge jenter. Moen vart frikjend for det første drapet i 2004, og i 2006, etter at Fritz Moen var død, vart han frikjend også for det andre drapet.
I 2008 ved tok Gjenopptakingskommisjonen å ta opp igjen Kilebygda-saka i Skien, der ein psykisk utvikllingshemma mann var dømd for drap. Dette skjedde etter at Tore Sandberg engasjerte seg i saka.
Tore Sandberg fekk Zolaprisen i 2005, Amnestyprisen 2006. Han har fått Kultur- og kyrkjedepartementet sin menenskerettspris og Olav Selvaags minnepris. I 2007 fekk han John I. Alvheims ærewspris og i 2008 Sankt Hallvard-prisen.
I mars 2009 varslar Tore Sandberg at han har bye bevis i Orderud-saka.

Fakta om Orderud-saka

Natt til pinseaftan 1999 blir Kristian (80) og Marie (84) Orderud og dottera Anne Orderud Paust (47) skotne og drepne i kårbustaden på Orderud gård i Sørum i Akershus.
14, juni 1999 blir ekteparet Per Kristan og Veronica Orderud, hennar halvsyster Kristin Kirkemo Haukeland og Lars Grønnerød sikta for trippeldrapet.
22. juni 2001 blir Per og Veronica Orderud og Kristin Kirkemo Haukeland dømde til 21 års fengsel for overlagt drap eller medverknad til overlagt drap i Nes heradsrett. Grønnerød får to og eit halvt års fengsel for aktlaus medverknad til drap.
Dom i ankesaka fell i Eidsivating lagmannsrett. Per og Veronica Orderud får 21 års fengsel, Kristin Kirkemo Haukeland får fengsel i 16 år, og Lars Grønnerød får auka si straff til 18 års fengsel.
20. desember 2002 forkastar Høgsterett samrøystes anka til Kristin Kirkemo Hauakeland. Ho var den einaste av dei fire dømde som fekk opp anka si i den øvste domstolen i landet.