– Med dette prøver dei å vise at dei er sterke i alle land, at det finst handlingskraft og at det kan eskalere til ting som er meir kraftige, seier den svenske terrorforskaren Magnus Ranstorp til den danske avisa Information.
Han trur Den nordiske motstandsrørsla, som sjølv omtaler seg som nasjonalsosialistar, stod bak hærverket, og han åtvarar mot å ignorere gruppa.
Terrorforskar Magnus Ranstorp trur Den nordiske motstandsbevegelsen, som omtalar seg sjølv som nasjonalsosialistar, sto bak hærverk mot jødiske mål i Norden i helgen.
Foto: Berit Roald / NTB scanpixI Randers i Danmark vart ein jødisk gravlund vandalisert på årsdagen for krystallnatta, som i 1938 markerte starten på jødeforfølginga i Tyskland.
Det vart òg gjort hærverk mot heimen til jødar, synagogar og andre bygningar i alle dei nordiske landa, mellom anna ved at vegger vart tagga.
Davidsstjerner
I Bergen vart det klistra opp gule davidsstjerner på veggen til Schibsteds trykkeri, og det same skjedde utanfor bankar i fleire nordiske byar.
– For jødane er dette veldig ubehageleg. Og dei som gjer dette har ein agenda, drive av jødehat, seier forstandar i Det Mosaiske Trossamfund og nestleiar for Antirasistisk Senter, Ervin Kohn til NRK.
Restar etter ei av stjernene som blei hengt opp i Bergen.
Foto: Sigurd Hamre / NRKRadikaliseringskontakt Pål Tore Haga i Vest politidistrikt sa til NRK at dei har sett liknande hendingar tidlegare.
– Det er ikkje ukjent at det skjer markeringar frå høgreekstreme på årsdagen for krystallnatta, natta mellom 9. og 10. november.
- Les:
Den nordiske motstandsrørsla la ut skrytebilde frå den antisemittiske aksjonen, også på den norske nettstaden sin, skriv Filter nyheter.
Eit av organisasjonens uttalte mål er «å arbeide for å vinne tilbake makta frå den globale sionistiske eliten, som økonomisk og reint militært har okkupert store delar av verda», heiter det på heimesida deira i Danmark.
Støttar
Ein talsmann for Den nordiske motstandsrørsla i Danmark, Jacob Vullum Andersen, nektar for overfor TV 2 Østjylland at det var dei som stod bak helgas hærverk, men legg ikkje skjul på at han støttar dei som stod bak.
– Vi synest det er positivt at folk omsider har byrja å vakne opp til ein erkjenning av at maktjødar og jødisk infiltrasjon i samfunnet er ytst skadeleg og uønskt, seier han.
Den nordiske motstandsrørsla har dei siste åra gjennomført ei rekke markeringar i Norden, også i Noreg.
40 høgtståande demokratar i USA bad førre månad utanriksminister Mike Pompeo om å føre opp organisasjonen på USAs liste over utanlandske terrororganisasjonar.
