Reiseradioen i P1 og Sommeråpent i NRK1 har i heile sommar oppmoda folk til å røyste fram den beste norske sommarbyen.
I finalen stod kampen mellom Brevik, Skudeneshavn og Tønsberg.
Kringkastingssjef John G. Bernander delte i Sommeråpent i kveld ut førstepremien: Eit stort skilt med teksten "Norges Sommerby".
Skiltet kan no Skudeneshavn smykke seg med fram til ei ny kåring eventuelt finn stad.
Skiltet er godkjent av Vegdirektoratet, og kan setjast opp ved innfartsvegane til byen.