NRK Meny
Normal

– Det er for mange våpen i omløp

Oslo Politidistrikt seier det er alt for mange våpen i omløp. I går vart ein vektar skoten på Blindern i Oslo. Skytevåpen får mykje merksemd frå politiet.

Einar Aas

Einar Aas leier eit prosjekt for å få oversikt over kor mykje våpen dei tunge kriminelle har.

Foto: Thomas Marthinsen / NRK

– Kongevegen til politiet si merksemd og prioritering er nettopp våpenbruk.

Det seier Einar Aas i for seksjon for organisert kriminalitet i Oslopolitiet. Han leier eit prosjekt for å få oversikt over kor mykje våpen dei tunge kriminelle har.

– Dei mest intelligente blant tunge kriminelle unngår nok kanskje våpenbruk dersom dei kan det, seier Aas.

Vanskeleg å få tak i slike våpen

Dei siste åra har dei tatt hand om over hundre våpen frå kriminelle grupper i Oslo, men enn så lenge veit dei lite om kor mykje våpen som finst totalt.

Aas seier at tala er nokså stabile. Så langt i år har dei beslaglagt 15 ulovlege våpen i dei kriminelle miljøa. Men det er ikkje kven som helst som kan få tak i slike våpen.

– Det er ikkje veldig lett å få tak i. Det er nok avgjerande å ha kontaktar i dei kriminelle miljøa, då vert det mykje lettare. Prisen er relativt høg, og det viser jo at det ikkje er torghandel det er snakk om, seier Aas.

Avsperret område ved Universitetet i Oslo

Natt til i onsdag blei ein vektar skoten på Blindern i Oslo, og fleire bygg blei evakuerte då dei fann noko som såg ut som ei bombe.

Foto: Braastad, Audun / NTB scanpix

Vektarar blant dei mest utsette for vald

Natt til onsdag blei ein vektar skoten på Blindern i Oslo, og fleire bygg blei evakuerte då dei fann noko som såg ut som ei bombe.

Runar Karlsen

Runar Karlsen er fagsjef for tryggingsbransjen i NHO Service.

Foto: Peter von Tangen-Jordan / NRK

Politiet veit framleis ikkje kva som var motivet eller kven som stod bak. Og dei kan dermed ikkje knytte denne hendinga til organisert kriminalitet.

Ifølge tal frå Legevakten i Oslo er vektarar er blant dei yrkesgruppene som er mest utsette for vald på jobb, seier Runar Karlsen, fagsjef for tryggingsbransjen i NHO Service.

– Det er ein auke i hendingar der vektarar vert utsette for vald på jobb.

Han seier at det heldigvis ikkje er ofte at ein vektar blir skoten, men at dei ser ein auke i vald, truslar og alle typar våpen.

– Fleire og fleire tilfelle så har vi sett at det har vore våpen involvert. Så er det også ein del hendingar med stikkvåpen, seier Karlsen.

Laster innhold, vennligst vent..
Laster innhold, vennligst vent..

SISTE NYTT

Siste meldinger