Kunstnarar må betale sjølv

Nord-Norske kunstnarar må sjølv betale for å vise fram kunstverka sine.

Et moderne kunstutrykk

Ina Maria Winther Åshaug sitt bidrag til Nordnorsken 2009 'Me and Mona Lisa'.

Foto: Gerd Elise Martinsen / NRK

Etter at den gamle Nord-Norske kulturavtalen er sagt opp, skal no dei tre nordlegaste fylkeskommunane satse på eti kunstløft.

Dei skal finne ei ny og betre støtte-løysing for bilde- og handtverkskunstnarane.

- Det ville ha vore heilt utenkeleg for eit teater å invitere regissørar og skodespelarar til ei forestilling for så å seier at dei berre får pengar dersom forestillinga sel billettar, seier rådgjevar i Nordland Fylkeskommune Tor Inge Kveum.

Han arbeidar med den nye avtalen for nord-norske kunstnarar. Den nye ordninga er langt frå ferdig, men han meinar at ei ny ordning må på plass.

- Kunstnarane subsidierer kulturlivet med eigne lønnsinntekter. Dei går med underskot i eiga næringsverksemd og har lønnsarbeid ved sidan av som dei brukar for å gjere ulike prosjekt, seier Kveum

Hovudproblemet på feltet

Han er klar på kva som er hovudproblemet på feltet.

- Det er eit finansieringsproblem på kunstfeltet, så det er meir pengar det handlar om. Intensjonen er sjølvsagt at alle skal få det betre, seier han.

Styreleiar i Nord-Norske billed-kunstnere, Hege Annestad Nilsen, er einig i dette. Ho skulle ønskje kunstnarane slapp arbeide ved sidan av yrket sitt.

- Det aller viktigaste er å betre den økonomiske situasjonen til kunstnarane. Det er viktig å gi støtte i form av stipend, betre løn og det at ein brukar kunstnarane, seier Annestad Nilsen.

Video

Distriktsnyheter fra Nordland. TV
Adrian (27) må vise finger, rope, rekke tunge og lage kysselyder. Helst når det passer ekstremt dårlig.
Venke opplevde enhver hesteeiers mareritt da hun oppdaget en fremmed mann i stallen hennes.