Forklaringane frå tiltalte og broren samsvarte ikkje når dei skulle oppgi kva som skjedde i forkant av den fatale jaktulukka i fjor haust.
36 år gamle Lill Åse frå Bodø blei skoten av broren til sin sambuar under rypejakt i Grovfjord i Storjorddalen i Troms 11. september i fjor.
Under rekonstruksjonen i dag forklarte tiltalte at han kom frå ei anna retning enn det broren oppga i si forklaring. Aktor Erik Thronæs forklarar spriket i forklaringa slik til NRK:
- Det er ikkje uvanleg med motstridande forklaringar under slike rekonstruksjonar. Det er noko retten no må ta
stilling til.
Mannen som skaut svigerinna er tiltalt for aktlaust drap, og risikerer tre år i fengsel. Påtalemakta meiner mannen har opptredd kritkkverdig.
- Styrkar saka til tiltalte
Også i går leverte dei to ulike forklaringar i retten. Då kom det fram at tiltalte og broren har ulik oppfatning om kor mange skot som blei avfyrt.
Les:
Forsvarar Tom Ovesen seier til NRK at rekonstruksjonen i dag styrkar saka til klient hans.
Retten må no ta stilling til kven av dei to mennene dei festar mest lit til når saka blir avslutta i Trondenes tingrett i morgon.