Sporten handlar om å gå opp på fjelltoppar og renne nedatt. Fortast råd.
Ola Hovdenak frå Skåla satsar no for fullt mot EM og seinare VM. Målet er å forbetre niandeplassen frå sist EM og nærme seg dei beste i verda.
- No tek eg permisjon frå jobb . Eg har vore på eit høgdeopphald i Frankrike og skal til Italia om eit par veker.
Knallhardt
Skialpinisme er ein knallhard sport der utøverane startar ved fjellbotnen, går på toppen og renn nedatt på ski.
I dei brattaste partia må dei ofte bruke klatresele og stegjern - og skia, dei må utøverane anten ha på beina eller på ryggen.
- Det er ein skisport som krev både god skiteknikk i utfor og god kondisjon og motor oppover, fotel Hovdenak.
Etterlyst
På landslaget er det 6-7 damer og menn frå Møre og Romsdal som hevdar seg. Landslagsleiar Jon Tveit fortel at nesten tre millionar personar driv med dette i Europa. No blir det lagt merke til at Noreg har landslag.
- Utlendingane skjønar ikkje kvifor det har gått så lang tid før vi kom på bana. Dei har sakna oss i mange år og glade for at vi har kome så langt.
Ola Hovdenak meiner naturen her i fylket passar godt for dei som vil bli gode.
- Her er fine forhold for fjellturar. Likar ein å konkurrere kan ein slå det i hop, så får ein to fine ting på ein gong, avsluttar han.