Likestillings- og diskrimineringsombodet har sendt inn støtteskriv for ålesundskvinna Inger-Mari Eidsvik.

Eidsvik tapte saka mot staten i Oslo tingrett tidlegare i år, då ho kravde erstatning for brot på menneskerettane.

Eidsvik har vore tvangsmedisinert i psykiatrien fleire gonger, og har no anka saka.

Ombodet skriv i støtteskrivet at saka er viktig for tusenvis av personar med psykiske lidingar og psykososiale funksjonsnedsettingar.

Ei eventuell ankesak kjem etter planen opp i november, men lagmannsretten har førebels ikkje bestemt om saka blir behandla på nytt.