Telefonsvindel er eit gjentakande problem både i Møre og Romsdal og i Noreg generelt. Tysdag ettermiddag fekk Sunnmøre politidistrikt på ny inn meldingar om «hyggelege» (og falske) Microsoft-tilsette.
– Ein mann tok kontakt med politiet og klaga over at han hadde blitt lurt av ein person som utgav seg for å ringe frå Microsoft, fortel operasjonsleiar Trygve Ødegård.
Mannen enda opp å gi frå seg kortinformasjon om betalingskortet sitt.
Aldri, aldri, aldri!
No går politiet igjen ut og åtvarar mot svindlarane.
– Gi aldri frå deg vital informasjon om datamaskin/tilgangar/passord eller kortinformasjon til telefonseljarar, eller personar som vil «reparere» datamaskina di, seier Ødegård.
Så kort sagt frå politiet: Vêr forsiktig. Og er du så uheldig at du har gjeve frå deg sårbar informasjon, bør anten bank eller andre som kan hjelpe kontaktast.
- Les også:
