Hopp til innhold

Nyhamna evakuert

Heile Ormen Lange-anlegget evakuert under katastrofeøving på Nyhamna.

Katastrofeøving Ormen Lange

Katastrofeøving Ormen Lange.

Foto: Thomas Eikrem / NRK

- Førsteintrykket er at dette gjekk veldi bra, seier kommunikasjonsrådgjevar i Shell, Lillian Aasheim.

Simulerte gassbrann

I dag tidleg gjekk alarmen på Nyhamna i Aukra. Det vart simulert ein gassbrann inne på prosessområdet og heile Ormen Lange-anlegget måtte evakuerast i katastrofeøvinga.

Kommunikasjonsrådgjevar i Shell, Lillian Aasheim, er godt fornøgd med utbyttet av øvinga.

- Det var veldi rask responstid frå dei som skulle rykke ut og komme inn til Nyhamna frå andre stader, seier ho.

- Ingen store svikt oppdaga så langt?

- Nei, ikkje etter det eg kjenner til.

Katastrofeøving Ormen Lange

Katastrofeøving Ormen Lange.

Foto: Hans Thomas Eikrem / NRK

Omfattande øving

I etterkant av øvinga blir det halde ein gjennomgang der alle detaljar skal granskast.

- Det har vore mange observatørar her som har finstudert alle forskjellige roller, seier Aasheim.

- Her har det vore spel på mange plan. Ein ting er dei som driv med redning og sløkking, men det er også ting som foregår i beredskapsrommet og i resepsjonen der folk blir tekne i mot.

Både pårørande og media har teke del i øvinga og no skal alle aspekt av øvinga evaluerast.

- Det er kjempeviktig med slike øvingar, det kan stå om liv eller død når det først gjeld.