Ny runde i retten
Saka til Øvrelid-søskena skal igjen bli behandla i Frostating lagmannsrett. Dette skjer før og etter påske, skriv Vikebladet Vestposten.
Dei fem søskena gjekk til sak mot Hareid og Ulstein fordi dei meinte at kommunane ikkje greip nok inn då dei blei mishandla som barn. Saka har vore behandla i ei rekkje rettsinstansar. Sist var i Høgsterett, som i september i fjor oppheva lagmannsretten sin dom som gjaldt dei tre eldste søskena- som ikkje hadde blitt tilkjent erstatning.
Når saka no skal behandlast i lagmannsretten for tredje gong, er det først og fremst spørsmålet om erstatning til dei tre eldste søskena som er tema.
