Direktoratet for naturforvalting vil i eit nytt lovforslag forby innførsel av mink til Noreg.
Pelsdyroppdrettar Steinar Nordang på Øye på Sunnmøre meiner dette er eit alvorleg angrep på næringa.
– Eg oppfattar dette som eit angrep på oppdrettsnæringa og eg meiner dette rett og slett er eit rabiat forslag, seier Nordang.
Kan få alvorlege konsekvensar
Han tur konsekvansane kan verte alvorlege på lang sikt.
– Skal ein ikkje kunne få importere dyra til å avle vidare på, så vil det verte ekstra vanskeleg for næringa, påpeikar oppdrettaren.
Oppdrettsbygda Øye
I bygda Øye i Ørsta på Sunnmøre er det 40 fastbuande og åtte mink- og revfarmar. Øye er den største oppdrettarbygda i Noreg.
Steinar Nordang har drive med pelsdyr i fleire tiår.Han viser til at det sidan 1920-talet har vore drive oppdrett av mink i Noreg.
Mink er oppført på lista over artar som Direktoratet for Naturforvalting har klassifisert som forbode å innføre.
Forslaget er no ute på høyring.
Nordang seier eit forbod mot minkoppdrett er meiningslaust.
– Eg tykkjer dette er heilt bak mål, understrekar han.