NRK Meny
Normal

No får denne plassen nytt namn

Carl Fredrik Hellevang-Larsens plass blir etter alt å døme det velklingande nye namnet på rådhusplassen på Averøy. Plassen har fått stor merksemd i tv-programmet «I kveld med Ylvis »i haust, der programleiarane har konkurrert om å få plassen kalla opp etter seg.

Averøy kommunehus

Rådhusplassen i Averøy har fått mykje tv-omtale i haust. No får plassen nytt namn.

Foto: Kristen Vorpvik

Ylvis

Carl Fredrik Hellevang Larsen gjekk sigrande ut av konkurransen i går. Her saman med Vegard Ylvisåker

Foto: Anette Torjusen / NRK

I går kveld gjekk altså Carl Fredrik Hellevang-Larsen av med sigeren i konkurransen på TVNorge.

Etter å ha konkurrert jevnt med Ylvis-brørne gjennom over ni veker i haust, var det ein variant av benkpress som til slutt avgjorde kven som kunne stikke av med den store premien.

Før siste konkurranse låg deltakarane heilt likt, men det var altså bergenskomikaren som har vore medprogramleiar i serien som trakk det lengste strået.

Calle Hellevang Larsen er frå før kjent frå humorgruppa Raske Menn, men har også jobba tett med Ylvis-brørne.

Begeistra ordførar

Det var tidlegare i år at kommunen fekk spørsmål om dei hadde ein liten vegstubb som mangla namn og som kunne vere premie i konkurransen.

Ordføraren sa den gongen at dei var begeistra for reklamen det ville gi kommunen å få omtale på tv fleire gongar i veka gjennom heile haustsesongen.

Skilt-dugnad

Averøy kommune har også tidlegare fått merksemd i Ylvis-brørne sine program.I 2011 samal bergensduoen inn pengar til nytt vegskilt ved ein rasteplass i kommunen.

Den gongen blei det stor merksemd rundt nordmørskommunen, både før og etter at skiltet kom på plass.

Ann Kristin Sørvik

Ordførar Ann-Kristin Sørvik i Averøy.

Foto: Trond Vestre

Ordførar i Averøy, Ann-Kristin Sørvik, var tilstades under sendinga i går og oppmoda vinnaren om å stelle litt på plassen som skal bere namnet hans.