Nær ved å bli køyrt på

Ei ung kvinne forklarte i retten i ettermiddag at ho var like ved å bli køyrt på av ein svart Mercedes tidlegare på ulykkeskvelden.

Ho seier at bilen hadde vikeplikt, men at ho måtte bråbremse for å unngå ein kollisjon fordi bilen køyrde så fort.

Den svarte bilen skal ha likna på den bilen den tiltalte kvinna køyrde tidlegare på kvelden.

Kvinna forklarte i retten at vindauga var sota og at ho ikkje klarte å sjå sjåføren eller kor mange som sat i bilen. Ho sa ho blei opprørt då ho kort tid etter høyrde om trafikkulykka i tunnelen like etter.

I bilen sat også kjærasten til kvinna, som vitna om det same. Men heller ikkje han kunne sjå kven det var som køyrde bilen.